يابوي تدري طريقي على وين!؟=على طريق الحب وماني بتايبه،،

سلام مني عد ماهلت العين،،
وعد السحاب وعد هبوب هبايبه،،
سلام ياللي لذكره دايم تزين،،
السالفة لو كان عنه العين غايبه،،
لأجلك أنا جيت وبالقلب همين،،
هم الفراق.. وهم بالقلب صايبه،،
جيتك وأنا عايفه ربعي والأدنين،،
جيتك وحب ------ يلعبي لعايبه،،
جيتك أمد القلب مغروس بسكين،،
وإللي غرسه يابوي حبه وصعايبه،،
حرام يابوي لاحرموا الناس قلبين،،
هذاك محتاج وذاك صابه عطايبه،،
يابوي تكفا لاتقول يابوي بعدين،،
تكفا يابو _ _ _ _ لاتبدي سبايبه،،
جيتك وأدري بطيبك يابن الكريمين،،
لاقمت للعاني فزعتك نار ولهايبه،
واليوم أنا بنخاك لوكنت وين،،
أفزع لمحرومةً من الشوق ذايبه،،
تكفا وتكفا.. ..ثم تكفا ألفين،،
أقولها من القهر لوكنت غايبه!!
يابوي لوتدري بحال الوليفين،،
وإللي جرا يابوي بفرقا حبايبه،،
ماكان لمتوا الوقت وحال المحبين،،
وأنتوا تشوفوا مفرق الراس شايبه،،
يابوي تدري طريقي على وين!؟
على طريق الحب وماني بتايبه،،

بنت الطنايا