قصة غصب عليك تضحك

يقلك فيه ولد طفران {ماعنده ولا ريال} راح لابوه
وقاله :عطني 15 ريال ودي اشتري كوره

الاب:اقول انقلع عني تراها واصله معي

الولد:تكفا يبه بس 15 وإلا اقولك خلها عشره ريال

الاب: ماعندي فلوس إذا تبي فلوس رح بع الديك حقك المريض اللي بالحوش

الولد :بس هذا مريض ومحد بيشتريه

الاب:ماعلي منك دبر نفسك

والله الولد استسلم للأمر الواقع وأخذ الديك

اول واحد قابله في وجهه اكيد ابوه

قاله الولد: تشتري الديك ؟

الاب:اقول بتنقلع ولا اتوطا في بطنك ؟

الولد:خلاص لاتنفخ

طلع الولد من البيت ومعه الديك في محاوله يائسه إن الديك ينباع عرض الديك على اهل الحاره كلهم ولا واحد فيهم قبل انه يشتري الديك

قال الولد : والله مالي إلا فلانه عقلها خفيف اكيد بقدر ألعب عليها بسهوله

فلانه وحده متزوجه بس للأسف كانت رايحه في خرايطها

راح الولد لها : عشان يبيع عليها الديك

الولد:تشترين الديك ؟

الحرمه:هلا والله تعال قرب اشرب عصير

الولد :اقول ماني فاضي لك خذي مني الديك وخليني انقلع شوي إلا الباب يدق خافت الحرمه

وقالت للولد: تعال اندس هنا في الدولاب ولايطلع زوجي ثم نروح فيها

حطت الولد في الدولاب وراحت فتحت الباب الا وطلعلها صديقها اللي تخون زوجها معاه

الحرمه :هلا والله بعمري وحياتي

الرجال : يا هلا فيك عمري

ما امد الرجال يكمل كلمته وإلا الباب يدق

الحرمه :ياويلي ويلاه هذا زوجي تعال


وادخل في الدولاب دخل خوينا في الدولاب وفجأه في عز الظلام سمع صوت يكلمه داخل الدولاب ويقوله :تشتري الديك؟

الرجال :اصصصصصص رخ صوتك الله يرحم والديك لا تفضحنا

الولد :اقول تشتري الديك ؟

الرجال:ياخوي خلاص بشتري الديك بس قصر على حسك تكفا

الولد :طيب

الرجال :بس بكم تبيعه ؟

الولد: ب100 ريال

الرجال:ايش !! هالديك المنتوف ب100 ريال

الولد :تشتري ولا ارفع صوتي

الرجال: لا لا خلاص ابشتري وامري على الله


جلسو 5 دقايق

الولد:تبيع الديك ؟


الرجال :توك بايعه على يابن الحلال


الولد :تبيعه علي ولا ارفع صوتي ؟


الرجال: لا لا خلاص ابيعه وامري لله بكم تشتريه ؟


الولد : بريال


الرجال: ايش بريال انا مشتريه ب100 ريال و انت تشتريه مني بريال


الولد :تبيع ولا ارفع صوتي ؟


الرجال:لا لا خلاص ابيعه



جلسو 5 دقايق ثاني مره


الولد : تشتري الديك ؟


الرجال: يا خوي توني مشتريه منك



الولد : تشتريه مني ولا ارفع صوتي ؟



الرجال: خلاص ابشتريه بكم تبيعه ؟




الولد : ب 200 ريال


الرجال:الله يمحط بك انشا الله توني مشتريه منك ب100 ريال!


الولد:تشتري ولا ارفع صوتي ؟



الرجال: خلاص خلاص ابشتريه وامري لله




جلسو 5 دقايق ثلات مره



الولد : تبيع الديك ؟




الرجال: انا لله وإنا اليه راجعون بكم تبي تشتريه ؟



الولد: بريال




الرجال: وش تبيني اقول تبيني ابكي ولا اشقق لبسي يالله خذ الديك و ببلاش بعد ان اخذ الولد الديك
شوي الا الحرمه فاتحه عليهم الدولاب

قالتلهم:يالله بسرعه انحاشوا دام إن زوجي في الحمام بس واحد و را الثاني بشويش عشان لايحs فيكم زوجي

طلع الرجال وشرد ولحقه الولد بعد ب5 دقايق المهم

قام الولد يتمشى في الشارع وهو فرحان ان معاه فلوس

بعدين راح للبيت يوم دخل البيت شاف ابوه قدامه راح قال لأبوه : تشتري الديك ؟



قال الاب: ناظر فيه و الشرار طالع من عيونه

وقاله: مايكفيك يابن {....} ال300 ريال اللي لطشتها مني في الدولاب

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
يعطييييييييييييييييييييك الف الف عافيه على الموضوع

يعطيك العافيه هههههههههههههههههه