قصيده الدوسري وهو ينتظر القصاص

**ابو ميشو** الإثنين سبتمبر 29, 2008 5:25 am

بسم الله الرحمن الرحيم

السلام عليكم

عسى الله ينفع بالموضوع ويتم التنازل عن القصاص من قاتل ابن عمه وارجو من الجميع نشره ونقله

قال الله تعالى( فمن كان يرجو لقاء ربه فليعمل عملاً صالحاً ولا يشرك ... بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا) .

هذه قصيدة الاخ مبارك بن فيصل العمور الدوسري
موجهه الى الاخ ظافر بن عبدالله العمور الدوسري واخوانه .( وهم اخوان القتيل سعيد )

يالله ياجال الامور المهمه = يالواحد اللي خالقٍ كل مخلوق

أفرج لقلب يشتعل فيه همه = قلب من أحداث المقادير محروق

والعين تخطي نومها ثم تخمة = كن الهموم الجايره داخل الموق

عزي لمن مثلي وقع في ابن عمه = واصبح سجين ودونه الباب مغلوق

ما غير افرق هم قلبي والمه = من يوم مات سعيد والقلب محروق

وانا السبب من غير سب ومذمه = ذبحة صديقي مالها اسباب تعوق

غصب علي جات المصيبة مطمه = لا عامدً ذبحه ولانيب مطفوق

كنت أحسب الطلقات مهيب يمه = مير القدر يامر به الرب من فوق

واليوم حالي جاير الوقت سمه = بشكي على ظافر ومرضي ومرزوق

هم ربعي اللي في الظروف الملمه = فزعاتهم يبرد لها القلب ويروق

تكفون يا ربعي ترى الطيب قمه = قمة جبل وانتم على الطيب من فوق

رفيقكم يومي زمانه بكمه = أما الحقوا وألا فلا هوب ملحوق

يدخل على الله ثم عليكم بدمه = دخيلكم من ذبحته داخل السوق

أخلوا سبيله وأخذوا الاجر في أمه = أجر من الله وأخذوا الطاق مطبوق

تكفون يآل غنيم جدع الأعمه = عاداتكم والطيب سابق ومسبوق

لا تسمعون اللي حكى له بنمه = والحاسد اللي حاقد جعله العوق

والختم ياجال الامور المهمه = يالواحد الي خالق كل مخلوق================

وللعلم تنازل اهل القتيل بشرط دفع 13 مليون ولا يزال اهل السجين يجمعون التبرعات

رابط موقع القضية
http://www.mobarrk.com